# 係人？係咩人？
講起宋玉生，多數人可能係第一個反應係皇朝、新口岸；而部份人可能會意識到呢個係一個人名，咁其實呢位宋生究竟有咩來頭、風光事跡令到澳門有啲地方會以佢嘅名為命名呢？
生於1929年嘅宋玉生係一位土生葡人律師，畢業於葡萄牙科英布拉大學嘅法律系。
喺大學期間，宋玉生曾任校內學生會主席，並以17分（總分20分）嘅優異成績完成學位課程，可謂名符其實嘅“學霸”！
# 毅然回澳，火速彈起？
畢業後，佢冇選擇留喺母校擔任大學嘅法學教授，反而選擇番嚟澳門執業，並且喺行內榜上有名。據資料顯示，無論對方係葡萄牙人定係澳門人（或係土生葡人），佢都一視同仁，經常免費提供法律服務。
後來，番嚟澳門未夠十年，佢成為咗當時澳門立法委員會嘅委員，踏入政治圈。1976年，佢喺第一屆立法會選舉中，當選立法會主席。而喺1988年，佢被獲委任為澳門特別行政區基本法起草委員。
# 政治巨人定歷史名人？
1989年，當時嘅澳督高斯達同宋玉生有政治上嘅分歧，要求葡國總統解散立法會。
即使係咁，宋玉生依然再度當選並重任立法會主席，並喺往後嘅選舉仍然連任（直至佢喺1992年逝世後，主席之位先有所更替），可見宋生喺當時澳門社區有尤其突出嘅地位同重要性。
歷史學家奧利維拉（Celina Veiga de Oliveira）曾評論宋玉生係“當代澳門最重要嘅人物”，係葡萄牙、澳門（或葡裔）同華人社區之間嘅調解人。
# 儘管身死，精神長存
現時喺澳門，以佢命名嘅地方名包括耳熟能詳嘅宋玉生公園、宋玉生廣場，另外喺氹仔有宋玉生博士圓形地，圓形地處更設有宋玉生博士嘅半身人像。
# 部份圖片素材源於網絡
# 是日葡文單詞
- 博士 doutor / doutora
- 律師 advogado / advogada
- 宋玉生公園 Parque Dr. Carlos d'Assumpção
- 宋玉生廣場 Alameda Dr. Carlos d'Assumpção
- 圓形地 Rotunda
